നാഗശലഭം – ഭക്ഷണമില്ലാതെ ഒരു ശലഭജീവിതം

നാഗശലഭം (Atlas Moth) എന്ന സർപ്പശലഭം

ലോകത്തിലെ ഏറ്റവും വലിയ നിശാശലഭങ്ങളുടെ (Moth) പട്ടികയിലുള്ളതും ദക്ഷിണേന്ത്യയിൽ കണ്ടുവരുന്നതുമായ ശലഭമാണ്‌ സർപ്പ ശലഭം അഥവാ നാഗശലഭം എന്നറിയപ്പെടുന്ന അറ്റ്ലസ് ശലഭം (Atlas Moth). Attacus Taprobanis എന്നാണ്‌ ശാസ്ത്രനാമം.

പേരിനു പിന്നിൽ

വിചിത്രരൂപിയായ നാഗശലഭത്തിന്‌, രൂപത്തിലുള്ള പ്രത്യേകത കൊണ്ടാണ്‌ സർപ്പശലഭം എന്ന പേര്‌ കിട്ടിയത്. ചിറകുകളുടെ അഗ്രഭാഗത്തിന്‌ പാമ്പിന്റെ തലയുമായുള്ള സാദൃശ്യമാണ്‌ പേരിന്‌ ആധാരം. ഭൂപടത്തിന്റെ രൂപം തോന്നുന്നത് കൊണ്ട് ഇംഗ്ലിഷിൽ അറ്റ്ലസ് മോത്ത് (Atlas Moth) എന്ന് അറിയപ്പെടുന്നു.

നിറം – രൂപം

തവിട്ടു നിറത്തിലും ഇരുണ്ട കറുപ്പു കലർന്ന തവിട്ടു നിറത്തിലും നാഗശലഭങ്ങളെ കാണാറുണ്ട്. തലയുടെ ഭാഗത്തായി തൂവലുകൾ പോലുള്ള ആന്റിനകൾ കാണാം. ത്രികോണാകൃതിയിലുള്ള വെളുത്ത 4 അടയാളങ്ങൾ രണ്ട് ചിറകുകളിലുമായി കാണാം.

ചിറക് വിടർത്തിയാൽ സധാരണയായി ഒരു നാഗശലഭത്തിന്‌ 25cm വലിപ്പമുണ്ടാകും. പേൺ ശലഭങ്ങൾക്ക് വലിപ്പം കൂടുതൽ ഉണ്ടാകും. രണ്ടാഴ്ച മാത്രം നീണ്ടു നിൽക്കുന്ന ശലഭജീവിതത്തിൽ സർപ്പശലഭത്തിന്റെ വിചിത്രരൂപം ഇവയെ ശത്രുക്കളിൽ നിന്ന് രക്ഷനേടാൻ സഹായിയ്ക്കുന്നു.